कोल्हापुरात एकाच कुटुंबातील
३ जणांचा अपघातात मृत्यू
कोल्हापूर, 23 नोव्हेंबर (UNI) - कोल्हापूर-राधा नगरी रोडवरील पुईखडी येथे गुरुवारी सकाळी एकाच कुटुंबातील तीन जण जागीच ठार झाल्याची माहिती पोलिसांनी दिली.कोल्हापूरच्या पुईखडी येथे एका खासगी ट्रॅव्हल्सचा भीषण अपघात झाला आहे. गोव्यावरून मुंबईला जाणारी बस कोल्हापूर शहराजवळच्या पुईखडी येथे उलटली. या अपघातात एकाच कुटुंबातील तीन सदस्यांचा मृत्यू झाला आहे. ही बस बुधवारी रात्री आठ वाजता गोव्यावरून निघाली होती. मध्यरात्री दोन वाजता बस कोल्हापूरच्या पुईखडी येथे पोहोचली. प्रवासादरम्यान ही बस उलटली. ही बस एका खासगी ट्रॅव्हल्स कंपनीची असल्याचं सांगितलं जात आहे.
पणजी (गोवा) येथून मुंबईला जात असलेली एक वेगवान खाजगी स्लीपर कोच बस पुईखडी येथे उलटली आणि कुटुंबातील तीन जणांचा मृत्यू झाला.ही स्लीपर कोच बस कोल्हापूर शहरालगत पुईखडी भागात राधानगरी रोडवर वळण घेताना उलटली. या अपघातात पुण्यातील तीन जण ठार झाले आहेत. या बसमध्ये जवळपास २५ प्रवासी होते. बस उलटल्यानंतर अग्निशमन दल घटनास्थळी दाखल झालं. अग्निशमन दलाच्या कर्मचाऱ्यांनी बसमध्ये अडकलेल्या प्रवाशांना बाहेर काढलं. तर चार प्रवासी बसखाली अडकले होते, त्यांनादेखील बाहेर काढलं. या जखमी प्रवाशांना रुग्णालयात दाखल करण्यात आलं आहे. तर १६ प्रवाशी सुखरूप आहेत.
निलू गौतम (43), रिद्धिमा गौतम (17) आणि सार्थक गौतम (13, सर्व रा. पुणे जिल्ह्यातील मांजरी-बुद्रुक) अशी मृतांची नावे आहेत. या घटनेची माहिती मिळताच कोल्हापूर महानगरपालिकेचे अग्निशमन दलाचे कर्मचारी आणि पोलिसांचे पथक अपघातग्रस्तांच्या मदतीसाठी घटनास्थळी दाखल झाले.
